هنتكلم عن اكبر مشاكل الجذور وهي امراض اعفان الجذور و ازاي نقاومها‼️🛡️ 

🔻تعتبر أعفان الجذور من أهم وأخطر الامراض التي تهدد استمرار الزراعة (محاصيل حقل – خضر – فاكهة ) في التربة المصرية القديمة والجديدة ومهما استخدمت طرق ري حديثة زي التنقيط  أو الغمر أو ري بالرش و كمان اختلاف نوعية المياه سواء بحاري او ارتوازي تبقي أمراض الجذور هي الصداع الأكبر الذي يواجهه المزارعون 

🔻 اعفان الجذور ليها عدة مسببات أهمها :- 

1.  المسببات الفطرية لأعفان الجذور
2. المسببات البكتيرية لأعفان الجذور
3. المسببات النيماتودية لأعفان الجذور
4. ملوحة التربة و الاجهاد الملحي
5. الرطوبة الارضية (سوء الصرف) التغريق او زيادة مياه الري   

🔻بتختلف اهم الاعفان الفطرية و الي ليها اكتر من مسبب لكن هنتكلم عن اشهرهم و اخطرهم ⚠️🤝

• عفن الريزوكتوينا.
• عفن الفيوزاريوم.
• عفن البيثيوم و الفيتوفثورا

🔰 عفن الريزوكتونيا Rhizoctonia disease  و بنسميه (عفن الجذر التاجي او الخناق)

👈أضراره:- 

📌بيعمل عفن و موت للبادرات فوق التربة .

📌هتلاقي تقرحات علي الجذر الرئيسي و الجذور الثانوية 

📌بيسبب تقزم النباتات و ضعف المجموع الخضري 

📌سهولة اقتلاع النباتات لموت الجذر وتحلله

📌بينتشر في درجات حرارة عالية 25-30 م و رطوبة 50 %

📢بس خلي بالك من :-✋

⛔مش بتحصل  اصابة عفن ريزوكتوني في الاراضي جيدة الصرف والتهوية

⛔الأفضل تروي الارض بالتنقيط مش بالغمر 

🔰عفن الجذور الفيوزاريومي Fusarium root rot - العفن الجاف 

👈أضراره:-

📌تقزم واصفرار الاوراق في اسفل النبات 

📌المجموع الجذري بيكون قليل

📌الجذر بيكون لونه احمر و بيتحول للون البني علي شكل خطوط   

📢برضو خلي بالك انك تعمل الآتي:-✋

⛔العفن الفيوزاريومي عفن جاف بينتشر في درجات الحرارة العالية

⛔الري بالغمر وسوء صرف وسوء تهوية التربة بيؤدي للأصابة 

🔰 عفن جذور البيثيوم Pythium root rot - موت البادرات الطري او عفن الجذور الطري   

👈 أضراره :-✋✋

📌موت البادرات قبل ظهورها فوق سطح التربة

📌موت البادرات بعد ظهورها فوق سطح التربة

📌تعفن البذور قبل ما تنبت

📌الساق بتكون مجوفة من الداخل و لونها غامق   

📢بس خلي بالك من اسباب انتشاره :-✋

⛔تربة سيئة الصرف والتهوية

⛔ينشط كثيرا في الجو البارد 

⛔زيادة الري مع زيادة تركيز الاملاح. 

🔻طرق مكافحة اعفان الجذور 🛡️🤝

🎯عمل تحليل للتربة و تحليل للملوحة و النيماتودا

🎯استخدام طرق ري حديثة و تجنب الري بالغمر 

🎯نظافة الادوات و الالآت المستخدمة في الخدمة الزراعية 

🎯استخدام اسمدة بمعدلات مناسبة بدون اسراف 

🎯عدم الري بمياه عالية الملوحة 

🎯الصرف الجيد للتربة و استخدام المادة العضوية 

🎯كمان زراعة ماركت بترشحلك بعض المواد الفعالة اللي بتقضي على اعفان الجذور  :-

( ازوكسي ستروبين 28.2%  - ميتالاكسيل - ام 10.8% -  هيمكسازول 16% + ثيوفانات ميثيل40% - ازوكسي ستروبين 22.8 -دايميثومورف 57.2 % -  فلوتولانيل 25 % - ثيوفانات ميثيل 70 % )

متنساش تتابعنا عشان تعرف معلومات تانية كتير و مهمة لزراعة محصولك💯👌

ولو عندك اي استفسار متترددش تكتبه في التعليقات