⬅️ العناصر المغذية الأساسية الصغرى

عناصر بيحتاجها النبات بكميات قليلة لكنها مهمة جداً لأنها بتعمل كمرافقات انزيمية في تخليق البروتين و الهرمونات  وزيادة فعالية عناصر الفوسفور والبوتاسيوم والنيتروجين وزيادة الاستفادة منهم 👌

وهم  تسعة عناصر بتشمل (الحديد والمنجنيز والزنك والنحاس والبورون والموليبدنم و الكلور و كوبلت و نيكل )

🔰ولأن النبات بيتعامل معانا بمبدأ " لو كنت مهتم كنت عرفت لوحدك 😏🌱"

هنعرف مع بعض ايه أهمية العناصر الصغرى و اعراض نقصها على النبات :-

1️⃣ الحديد : يدخل في تكوين الكلوروفيل

🔻 اعراض نقصه 👈 ظهور اصفرار على أوراق النبات الحديثة

2️⃣ المنجنيز : يدخل في تفاعلات الأكسدة و الاختزال و في البناء الضوئي يعني تمثيل ضوئي كتير = تخزين غذاء كتير = محصول كبير 

🔻اعراض نقصه 👈 بقع صفراء (صغيرة )على الأوراق(كأنك مخرمها بدبوس) ويكون في الثلث الأعلى من النبات

3️⃣الزنك : يدخل في تكوين حمض اميني (التربتوفان) اللي بيتخلق منه هيرمون الاوكسينات اللي بتعمل استطالة للخلايا

🔻 اعراض نقصه 👈 بقع بيضاء  بتشبه اعراض الاكاروسات على الأوراق الحديثة وتقزم في السلاميات (مرض تورد القمة النامية )

4️⃣ النحاس : يدخل في تركيب انزيمات الاكسدة والاختزال و تكوين طبقة اللجنين اللي بتعطي أوراق قوية ولون غير باهت و ده مهم جدا لمزارعين البصل

🔻 اعراض نقصه 👈 لون الأوراق اخضر مزرق و الورقة بتكون مقعرة لفوق ( مكرمشة )

4️⃣ البورون : مسئول عن حركة الهرمونات النباتية داخل النبات من أماكن تخليقها إلي أماكن تأثيرها و زيادة حيوية حبوب اللقاح و عملية الاخصاب

🔻 اعراض نقصه 👈 تشوه الأوراق الحديثة في قمة الفرع و تحولها للون البني

6️⃣ المولبيدنم : يدخل في تحويل النترات إلى نيتريت اللي بيكون البروتين في النبات ( بدون مولبيدنم مفيش بروتين في النبات ) و يستخدم في رفع الاجهاد جفاف و ملوحة

🔻 اعراض نقصه 👈 وجود حواف الأوراق باللون الأبيض

متنساش تتابعنا عشان تعرف معلومات تانية كتير و مهمة لزراعة محصولك💯👌

لو في مشكله واجهتك متترددش في كتابه التعليق