متابعينا ومزارعين فول الصويا فى كل مكان 
فول الصويا دلوقتى مش بس زراعة ده مشروع استثمارى ناجح
هنتكلم عن برنامج كامل متكامل لزراعة الفول الصويا
وفى البرنامج ده هنعرف اسرار التسميد والرى ومكافحة الافات والحشائش والحصاد 
يالا نشوف التحضير للزراعة هيكون ازاى
في الأول اختيار الأرض
يفضل تربة خصبة جيدة الصرف (رملية صفراء أو طينية جيدة التهوية)
والpH بين 6 و 7.
وبعدين تجهيز الأرض
نحرتها عميق مرتين متعامدين عشان نفكك التربة
نساوى الأرض كويس عشان تتوزع مياه الرى بالتساوى
وكمان نحلل التربة
عشان نظبط معدلات التسميد
ونشوف نسبة الملوحة والعناصر الغذائية الكبرى والصغرى
نيجى لميعاد الزراعة
احسن ميعاد للزراعة من نص ابريل لغاية نهاية مايو على حسب منطقتك
فول الصويا محتاج درجات حرارة من 20-30 درجة للنمو المثالى
نيجى لتجهيز التقاوي
التقاوى تكون معتمده او الشركات تكون موثوقة
كمية التقاوى اللى هنحتاجها
30–40 كجم للفدان
نعالج التقاوى
نضيف مبيد فطرى مع اللقاح لو الأرض فيها امراض
نعامل البذور بلقاح بكتيريا ريزوبيوم فول الصويا مباشرة قبل الزراعة عشان نزود تثبيت النيتروجين الجوى
نيجى لطريقة الزراعة
المسافات هتكون من 10-15 سم بين للنباتات
ومن 60-70 سم بين السطور
طرق الزراعة
بنزرع في سطور على ظهر الخط
وممكن بالنقر في الجور لو الأرض رملية
نيجى للمهم التسميد
المرحلة الأولى (قبل الزراعة )
هنضيف سوبر فوسفات احادى نقلبة مع اخرحرته عشان نرفع الفوسفور الاساسى للتربة بمعدل 100- 150 كجم / فدان
كبريت زراعى هيعدل ال ph وهيساعد في امتصاص العناصر الصغرى بمعدل 25-50 كجم / فدان
المرحلة التانية (عند الزراعة وقت غرس البذور )
نضيف لقاح ريزوبيوم عشتن يثبت النيتروجين الجوى بمعدل 50-100 جم / 1كجم بذور فول صويا
المرحلة التالتة (بعد الانبات 15-20 يوم )
نترات نشادر او يوريا لو مفيش عقد بكتيرية كافية ونستغنى عنها لو في عقد بكتيرية بمعدل 25 كجم / فدان
المرحلة الرابعة ( بداية النمو الخضرى 25-35 يوم )
حمض فوسفوريك 85% مع الرى او رش ورقى بمعدل 5 كجم / فدان
سلفات بوتاسيوم 48% بمعدل 25-30 كجم / فدان
المرحلة الخامسة (عند بداية التزهير 45-55 يوم )
سلفات بوتاسيوم إضافية بمعدل 20 كجم / فدان
هنرش عناصر صغرى (حديد ، زنك ، منجنيز ) بمعدل 100 جم / فدان لكل عنصر
هنضيف بورون عشان يزود العقد الزهرية بمعدل 50 جم / فدان
المرحلة السادسة (امتلاء القرون 70-90 يوم )
هنضيف دفعة بوتاسيوم تحفيزية (سلفات بوتاسيوم ) مع الرى بمعدل 20 كجم / فدان
هنرش عناصر صغرى (حديد ، زنك ، منجنيز ) بمعدل 100 جم / فدان لكل عنصر
المرحلة السابعة (قرب الحصاد بعد عمر 100 يوم )
هنوقف كل الأسمدة
يالا نشوف الري
هنروى بعد الزراعة على طول عشان نضمن انبات موحد
هنروى ريات خفيفة منتظمة كل 7–10 أيام حسب طبيعة الأرض والمناخ.
هنقلل الري أثناء نضج القرون لتفادي التعفن.
نخلى بالنا عشان فول الصويا حساس للرطوبة في الانبات والتزهير وامتلاء القرون
يالا نشوف مكافحة الحشائش
مهمة جدًا أول 40 يومًا من عمر النبات.
نكافحها ازاى 
بالعزيق اليدوي أو الميكانيكي.
واستخدام مبيدات حشائش متخصصة قبل الإنبات أو بعده (بحذر).
يالا نشوف مكافحة الآفات والأمراض
الرش وقائي ضد الأمراض الفطرية (مثل البياض الزغبي والصدأ).
مكافحة الآفات مثل الدودة الخضراء والمنّ باستعمال مبيدات مناسبة وآمنة.
المتابعة الدورية كل أسبوعين ضرورية لرصد الإصابات مبكرًا.
نيجى للحصاد
نحصد بعد 110-140 يوم من الزراعة على حسب الصنف والظروف الجوية
طب نحصد امتى
لما الأوراق تصفر وتتساقط
ولما القرون تجف ولونها يتغير للبنى
طرق الحصاد
يا اما باليد او الات الحصاد الميكانيكية
خلوا بالكم عشان تأخير الحصاد هيخلى البذور تتشقق وهنفقد من المحصول
و عندك اى استفسار بخصوص زراعة الفول الصويا اكتبولنا في التعليقات
كمان اكتبولنا في التعليقات تحبوا نتكلم عن برنامج تسميد ايه الفترة الجاية
