مزارعين الفلفل والشطه 
في كل مكان 
عملنالكم برنامج مميز لزراعة الفلفل والشطه زى ما طلبته
برنامج زراعة الفلفل والشطة متشابهين عشان بينتموا لنفس العائلة النباتية (الفصيلة الباذنجانية) وبيحتاجوا لنفس العناصر الغذائية الأساسية
يعتمد التسميد على النيتروجين والفوسفور والبوتاسيوم وكمان العناصر الصغرى زى الحديد والزنك والمغنيسيوم لتحسين جودة الثمار
بس فى اختلافات طفيفة في معدلات التسميد على حسب نوع الصنف المزروع وظروف التربة والمناخ
بعض أصناف الشطة تحتاج إلى نسبة أعلى من البوتاسيوم لتعزيز نكهة الثمار
بينما يحتاج الفلفل إلى توازن أكبر بين النيتروجين والفوسفور لضمان نمو قوي للنباتات
ميعاد زراعة الفلفل والشطة
أفضل ميعاد للزراعة بيكون من شهر مارس ل مايو وده في الزراعة المكشوفة
في البداية تجهيز الأرض
الحرث هيكون مرتين متعامدتين
نساوى الأرض كويس عشان تتوزع مياه الرى بالتساوى
طب الزراعة هتكون ازاى
هنزرع الشتلات بعد تخمير التربة بالمياه لضمان رطوبة جيدة
المسافة بين النباتات هتكون 40 سم لضمان تهوية جيدة
مسافات الزراعة
بين الخطوط هتكون 70 سم
بين النباتات من 30-40 سم
تعالوا نشوف المهم برنامج التسميد
المرحلة الأولى قبل الزراعة
وهنضيف 20–30 م³/فدان سماد عضوى متحلل
و 200–250 كجم/فدان سوبر فوسفات
و50 كجم/فدان كبريت زراعى
و50 كجم/فدان سلفات نشادر
و 50 كجم/فدان سلفات بوتاسيوم
و25 كجم سلفات ماغنسيوم
مرحلة التأسيس والنمو الخضرى (1-4) أسبوع
هنضيف نترات نشادر10 كجم/أسبوع
وسوبر فوسفات ذائب أو حامض فسفوريك بمعدل5 كجم أو 2 لتر/أسبوع
وهنرش عناصر صغرى (زنك، حديد، منجنيز) بمعدل 1 لتر مرة كل 10 أيام
مرحلة التزهير والعقد (5-8 ) أسبوع
هنضيف نترات كالسيوم بمعدل10 كجم/أسبوع
وسلفات بوتاسيوم بمعدل 10 كجم/أسبوع
وكالسيوم بورون (رش ورقي) بمعدل 1 لتر مرة كل أسبوعين
مرحلة نمو الثمار( من الأسبوع 9 ل الحصاد )
هنضيف نترات نشادر بمعدل 5–10 كجم/أسبوع
وسلفات بوتاسيوم بمعدل 15 كجم/أسبوع
وعناصر صغرى (رش) بمعدل 1 لتر كل 15 يوم
نيجى للرى
في الأرض الطينية هيكون كل 5–7 أيام
وفى الأرض الرملية او الجديدة هيكون كل 2–3 أيام
والافضل الرى بالتنقيط عشان نقلل الامراض
ايه الامراض اللى ممكن تصيب الفلفل او الشطه
أعفان الجذور وبتيجى من الرى الكتير بس نستخدملها مبيدات مناسبه لو حصلت
النيماتودا هنضيف مبيد نيماتودا بعد 25 يوم من الزراعة.
البياض الدقيقي هنرش مبيدات كل 15 يوم عند بداية التزهير
الذبول الفيوزاريومي هنستخدم توبسين ام او ريدوميل
العفن الأبيض هنرش مبيدات زى سويتش
طب ايه الافات اللى ممكن يتعرضلها الفلفل والشطة
(المن – الذبابة البيضاء – التربس – الحفار – الدودة القارضة)
هنستخدم مبيدات مناسبة بتبادل زى( أكتارا، موفنتو، أفانت، لامبادا)
الحصااااااااااااااااد
بيكون الحصاد بعد 60-75 يوم حسب الصنف
الفلفل بيتجمع اخضر أو ناضج حسب الطلب
بنجمع كل 4-5 أيام لتشجيع الإنتاج المستمر
نخلى بالنا
منكترش في التسميد النيتروجيني عشان نتجنب زيادة النمو الخضري على حساب الثمار
نراقب دائمًا الحقول للكشف المبكر عن الإصابة
احرص على التهوية الجيدة في الأنفاق أو الصوب
لو عندك اى استفسار بخصوص زراعة الفلفل والشطه اكتبولنا في التعليقات
كمان اكتبولنا في التعليقات تحبوا نتكلم عن برنامج تسميد ايه الفترة الجاية
