ركز معايا علشان تاخد محصول قوي و تعرف تكسب كتييييييير

معاد الزراعة

 يتم زراعة محصول بنجر السكر من شهر اغسطس حتى شهر اكتوبر

افضل موعد للزراعة في شهر سبتمبر

نوع التربة المناسبة لزراعة بنجر السكر

يتم زراعته في جميع انواع الاراضي

الاراضي الطينية - الاراضي الصفراء - الاراضي الرملية - الاراضي الرملية المتاثرة بالاملاح

تجهيز و اعداد الارض للزارعة

احرث الارض و مهم جدا تقلب الارض بالمحراث عشان البنجر بيحتاج عمق كويس

لابد من تسوية الارض جيدآ قبل الزراعه وان تكون الارض جيدة الصرف عشان النبات ميتعرضش لاعفان الجذور .. اعفان جذور هنا هتصيب الجذر و الثمار

يتم تخطيط الارض الي خطوط بعرض 70سم

الخدمة السمادية قبل الزراعة

1-سوبر فوسفات ناعم ( 100 كجم / الفدان ) 2 شيكارة

2-سوبر فوسفات محبب ( 100 كجم / الفدان ) 2 شيكارة

3-سلفات نشادر ( 50 كجم / الفدان ) 1 شيكارة

4-كبريت زراعي ( 50 كجم / الفدان ) 1 شيكارة

طيب ازرع التقاوي وحيدة الاجنة ولاعديدة الاجنة وايه الفرق بينهم

التقاوي وحيدة الاجنة دي عبارة عن بذور فيها جنين واحد فقط يعني هتنبت نبات واحد فقط .. يعني مش هتحتاج تعمل خف للجورة و ده الاحسن في المساحات الكبيرة

التقاوي عديدة الاجنة دي لما تزرعها هتديك اكتر من نبات من نفس الذرة

ميزتها انها بتدي اكتر من نبات في الجورة فبنتفادي الاصابة بدودة ورق القطن اللي بتصيب النبات في بداية عمره

عيبها انها بتحتاج عمال كتير عشان تعمل خف للجورة ( تكلفة زيادة)

يعني ازرع مين فيهم  الاتنين بيعطو نفس الانتاجية 

طرق زراعة بنجر السكر

الطريقة الاولى : غرس البذور في وجود الماء عن طريق غمر الارض بالماء قبل الزراعة بيوم وثاني يوم الصبح يتم غرس البذور

الطريقة دي مفضلة لو هتزرع بدري في اغسطس او في الاراضي اللي فيها نسبة املاح

الطريقة الثانية : زراعة عفير .. و هنا هيتم اضافة البذور للجور وبعدين تروي

يتم وضع 3-4 بذور في الجورة و سيب 20 سم بين الجور في الطريقتين

الطريقة الثالثة : زراعة عفير بالبلانتر في الأراضي الرملية والزراعة الواسعة

ازرع البذور في الثلث العلوي من الخط

عملية الري

 في الاراضي الطينية

يتم الري بعد الزراعة بـ 10 ايام عشان يتم انبات البذور وتثبت النبات في الارض

يتم الري بعد ذلك كل 20-25 يوم بتختلف علي حسب طبيعة الارض والظروف الجوية وحالة النبات ... وفي الشتاء تصل المدة الي شهر ... يتوقف الري قبل الحصاد بأسبوعين

في الأراضي الخفيفة والرملية

الري بالتنقيط : يتم الري يوم بعد يوم لأن الأرض خفيفة، ولا تحتفظ بماء كافي للنبات

وبعد 10 ايام من الزراعة يتوقف الري لمدة يومين تمهيدا لإضافة الاسمدة ... يتوقف الري قبل الحصاد بعشرة أيام.

عملية الخف

الخف مهم جدا جدا في بنجر السكر وتتم عملية الخف بعد حوالي شهر من الزراعة

ويتم الخف وترك نبات واحد في الجورة

عملية العزيق

من اهم العمليات الزراعية لانها تؤثر علي الانتاج بشكل اكبر

العزقة الاولي : تكون خربشة وسد الشقوق حول النبات

العزقة الثانية : وفيها يتم فج الخط ووضع النبات في منتصف الخط

مقــاومة الحشــائش في محصول بنجر السكر

من أهم الحشائش فى حقول بنجر السكر والتى يصعب مقاومتها حشيشة السلق وهى تشبه بادرات بنجر السكر بدرجة كبيرة تماماً مما يصعب التعرف عليها

1-مقاومة الحشائش تتم بإجراء عمليات العزيق

2- رش مانع انبات قبل الزراعة ( مبيد جاردو )

3-مكافحة الحشائش الحولية عريضة وضيقة الأوراق يستخدم مبيد ( اورجان - دريبل - ستومب المير - سلكت سوبر - جي هيرب بلس )

* أهم الأمراض التى تصيب بنجر السكر هى:

الآفات الحشرية

1-ذبابة أوراق البنجر: تظهر الاصابة من بداية شهر ديسمبر حتي شهر ابريل ... المكافحة بـمادة امامكتين بنزوات + (اميداكلوبريد-او اسيتامبريد-او ثياميثوكسام )

2-دودة ورق القطن: كافح بـــ ( تاكومى – جراب - لمبادا سيهالوثرين 2.5% - ميثوميل 90 % - فلوبنداياميد 20% )

3-خنفساء البنجر: كافح بـــ امامكتين بنزوات

الامراض الفطرية :

1-مــرض مــوت البــادرات : زيادة كمية مياه الرى وزيادة نسبة الرطوبة

2-مرض تبقع الأوراق السركوسبورى : تظهر الإصابة فى شهر 12 إلى 2... يستخدم مركب (التوبسين إم 70% ) مع إضافة مادة ناشرة مثل( الترابتون) ويكرر الرش إذا لزم الأمر بعد 15 - 20 يوم .

3-البيــاض الـدقيقـى : تظهر الإصابة فى شهر مارس وتستمر فى أبريل ومايو ..

الأمراض الفسيولوجية:

القـلـب الأجـــــوف : بسبب زيادة الري و التسميد الازوتي ..

الفئران : تنتشر الفئران خاصة فى مرحلة تكوين الجذور

تابع زراعة ماركت عشان تعرف معلومات تانية كتير و مهمة لزراعة محصولك

شارك البوست عشان الجميع يستفيد .. انت و محصولك في امان لسنين قدام مع زراعه ماركت